Thursday, December 27, 2012

ആശിക്കാതിരിക്കുവതെങ്ങനെ ............?





രാപ്പകലുകള്‍ കാവലിരുന്ന്‍,
വിളവോളമെത്തിച്ചവ;
ജൈവ -രാസ കീടങ്ങള്‍ കാര്‍ന്നു തിന്നവേ,

ആറ്റുനോറ്റിരുന്ന്‍,തന്നോളമെത്തിച്ച
മക്കളെ ;യന്ത്ര -കാമ വെറിയന്മാര്‍
മുറിവേല്‍പ്പിച്ചു നശിപ്പിക്കെ ,

ജീവവായുവുമന്നപാനവും നിറച്ചുയിര്‍ -
കാക്കുന്ന ഭൂമിയെ ;
നഖമാഴ്ത്തി കീറിമുറിക്കവെ,

സത്യത്തെ ,ഈശ്വരനെ ,നന്മയെ 
കാട്ടുന്ന ഗുരുവിനെ ;നിന്ദിക്കെ ,ദക്ഷിണയായി 
കൈപ്പത്തി ചേദിച്ചെടുക്കെ,

മുറവിളികളില്‍ ;ബധിരരായ്‌ ,നടുക്കുന്ന 
കാഴ്ചയിലന്ധരായി,പ്രതികരണങ്ങള്‍ക്കു 
മൂകരായി ;'മുന്നോട്ട് 'പായവേ ,

മുറിവേറ്റ് ,ചോരവാര്‍ന്നൊലിച്ചറിയാ
ത്താഴങ്ങളില്‍ നദികള്‍ വിറങ്ങലിക്കെ 
കാല്‍ച്ചുവട്ടിലെ,മണ്ണൊലിച്ചു പോകെ 


വേരുകള്‍ക്ക് നീരും ,നീരിനെത്തേടാന്‍ 
വേരുക്കള്‍ ക്കസ്തിത്വവും നശിക്കെ 
'കാടു'കള്‍  അന്തരംഗത്തിലാവാഹിക്കെ

       
തരിശായ് ,ഭൂമിയും ,മനവും
ഗര്‍ഭ പാത്രങ്ങളും വരളവേ
വിണ്ടു കീറവേ

മത്സരങ്ങളില്‍ ,ലേലങ്ങളില്‍ ,
പഠനം ,വൈകല്യങ്ങളാകവേ
യന്ത്രങ്ങളായ്,

ബന്ധങ്ങള്‍ ;ചരടഴിഞ്ഞ്
പൊരുള്‍ മറന്ന്,
മേച്ചില്‍പ്പുറങ്ങള്‍ തേടവേ,

മാസ്മരികത;മയക്കും മരുന്നും 
'നെറ്റും'ഭ്രമകല്പനകള്‍ തീര്‍ക്കവേ,
ഓരോ അണുവിലും ക്യാന്‍സര്‍ രുചിക്കെ ,

ഒരു മഴയ്ക്കായ് ,ആര്‍ദ്രതയ്ക്കായ് ,
ചെറുപുഞ്ചിരിക്കായ്, സാന്ത്വനസ്പര്‍ശത്തിനായ് 
ഒരു പിന്‍വിളിക്കായ്‌,ഒരു പൂവിനായ്‌ ,
പൂ നിലാവിനായ്‌ ,രസനയില്‍ 
ഇറ്റുവീഴുന്ന നീരിനായ്‌ ,പച്ചപ്പിനായ്‌ 
സുഗന്ധവാഹിയാം ,കാറ്റിനായ്      
ഒരു കല്പനക്കായ്‌, കാവ്യത്തിനായ്
കിളികൊഞ്ചലിനായ്‌ ,നീരൊഴുക്കിനായ്‌
ഒരു നല്ല നാളെയ്ക്കായ് 
ആശിക്കാതിരിക്കുവതെങ്ങനെ ............?

18 comments:

  1. ഒരു നല്ല നാളെയ്ക്കായ് ആശിക്കാന്‍ മാത്രമല്ലേ നമുക്ക് സാധിക്കൂ

    ReplyDelete
  2. അമൃതംഗമയ ഈ കൈയ്യോപ്പിന് വളരെ നന്ദി

    ReplyDelete
  3. നവലോകത്തിന്റെ കൊള്ളരുതായ്മകളും അതില്‍ വിഷമിക്കുന്ന മനസ്സിന്റെ ആശകളും വളരെ സുന്ദരമായി ആവിഷ്ക്കരിച്ചിട്ടുണ്ട് .
    ഇഷ്ടമായി ഒരുപാട്
    ആശംസകള്‍

    ReplyDelete
    Replies
    1. സഞ്ജീവ് വളരെ നന്ദി ഈ വിശകലനത്തിനും ഈ കൈയ്യോപ്പിനും ആശംസകള്‍

      Delete
  4. ഇന്നിന്‍റെ കൊടുംക്രൂരതകളില്‍ ഉള്ളില്‍ തിങ്ങിവിങ്ങുന്ന വേദനയും,രോഷവും പിന്നെ സുശോഭനമായൊരു നല്ല നാളെയ്ക്കുവേണ്ടിയുള്ള മനസ്സിനുള്ളിലെ ആശയും
    ഹൃദയസ്പര്‍ശിയായി പകര്‍ത്തിയിരിക്കുന്നു.
    ഉപേക്ഷിപ്പെടുന്ന സത് മൂല്യങ്ങള്‍ തിരിച്ചെടുക്കാന്‍ സമൂലമാറ്റം വരണം ടീച്ചറെ എല്ലാരംഗത്തും.
    ആശംസകള്‍

    ReplyDelete
  5. വളരെ നന്ദി തങ്കപ്പന്‍ സര്‍ ഈ അവലോകന കുറിപ്പിന് നന്ദി

    ReplyDelete
  6. വര്‍ത്തമാന കാലത്തിലെ കാഴ്ചകളും സാഹചര്യങ്ങളും മനസ്സില്‍ മുറിവ് വീഴ്ത്തുമ്പോഴും നല്ലൊരു നാളെയെന്ന പ്രതീക്ഷ കൈവിടാതെ മുന്നോട്ട് നീങ്ങാം.
    പുതുവത്സരാശംസകള്‍

    ReplyDelete
    Replies
    1. എന്റെ ഈ രചനയില്‍ എത്തി ഈ കൈയ്യോപ്‌ ചാര്‍ത്തിയതിനു പട്ടേപ്പാടം റാംജി സാറിന് ഒരായിരം നന്ദി

      Delete
  7. ആശകള്‍ക്ക് ആക്കം കൂട്ടാന്‍ സ്വപ്നങ്ങളും ഭാവനയും ഒത്തുചേര്‍ന്നപ്പോള്‍ രൂപംകൊണ്ട സുന്ദര കാവ്യശില്പം.

    ഉഷാറാണി


    ReplyDelete
  8. വളരെ നന്ദിയുണ്ട് ഈ കൈയ്യോപ്പിന് ഉഷാറാണിക്ക് ഹൃദയം നിറഞ്ഞ നന്ദി

    ReplyDelete
  9. ഒരു നല്ല നാളേയ്ക്കായി ആശിച്ചുപോകും ഏതുമനുഷ്യനും.

    കവിത കൊള്ളാം കേട്ടോ.

    ReplyDelete
    Replies
    1. അജിത്‌ സാറിന്റെ ഈ അനുവാചക കുറിപ്പിന് വളരെ നന്ദി

      Delete
  10. ഭൂമിയുടെ പ്രകൃതിയുടെ നന്മ നമ്മളിലും നിറയട്ടെ..

    പ്രതീക്ഷകള്‍....നാളെ..നാളെ... ആ സ്വപ്നം നാളത്തെ പുലരിയില്‍ യാഥാര്‍ത്യം ആവട്ടെ...

    ഈ കവിതയ്ക്ക് എന്റെ അഭിനന്ദനങ്ങള്‍...ഭാവുകങ്ങള്‍ നേരുന്നു...


    പുതുവത്സരാശംസകള്‍ നേരുന്നു....സസ്നേഹം

    www.ettavattam.blogspot.com

    ReplyDelete
    Replies
    1. ഷൈജു.എ.എച്ച് ന്റെ ഈ വിശദമായ അവലോകനത്തിന് ഹൃദയം നിറഞ്ഞ നന്ദി

      Delete
  11. തീവ്രമായ വിചാര ധാര! ആശിക്കാതിരിക്കുന്നത് എങ്ങിനെ? കവിതയില്‍ ഉടനീളം ആ തീവ്രത കാണാം. ഭാവുകങ്ങള്‍, ടീച്ചര്‍.
    http://drpmalankot0.blogspot.com/2012/12/blog-post_28.html

    ReplyDelete
    Replies
    1. ഡോ. പി. മാലങ്കോടിന്റെ ഈ കൈയ്യോപ്പിന് വളരെ നന്ദി

      Delete
  12. കുറ്റാകൂരിരുട്ടിലും ഒരു നക്ഷത്രത്തെയെങ്കിലും തിരയുകയെന്നത് മാനുഷിക ധര്‍മ്മത്തിന്‍റെ അനിവാര്യത.(സഹജാവബോധം)ഒരു മിന്നാമിന്നിയായി,ഒരു മെഴുകുതിരി വെട്ടമായിയെങ്കിലും അധര്‍മ്മത്തിനെതിരെ ധര്‍മ്മപക്ഷം നില്‍ക്കാനാവുകയെന്നതാണ് ഇനിന്റെ സൗഭാഗ്യം.അത്തരം ധന്യനിമിഷങ്ങള്‍ കവിതയില്‍ വായിച്ചെടുക്കാം.അഭിനന്ദനങ്ങള്‍ -ഹൃദയപൂര്‍വ്വം!

    ReplyDelete
  13. വളരെ നന്ദി ഈ അനുവാചക കുറിപ്പിന് മുഹമ്മദ് കുട്ടി സാര്‍

    ReplyDelete