Tuesday, April 23, 2013

പ്രവാസ സ്വപ്നം




പ്രവാസ സ്വപ്നം 

ചോര്‍ന്നൊലിക്കുന്ന കൂരതന്‍ മൂലയ്ക്ക് 
വയറുപൊത്തി ഞാന്‍ ചാരിയിരിക്കവേ 
ദൂരെയാകാശം ,മാടിവിളിക്കുന്നു
സ്വപ്നമെന്നെപ്പറവയാക്കീടുന്നു

ചുറ്റും കടങ്ങള്‍ ,ചുഴലി പോല്‍ നിത്യവും 
ചുറ്റിപ്പിടിച്ചു കഴുത്തില്‍ മുറുക്കവേ
ഗത്യന്തരങ്ങള്‍ക്കുമപ്പുറം ലോകങ്ങള്‍ ;
സ്വപ്നച്ചിറകില്‍  കരേറി ,പ്രവാസി ഞാന്‍ 

നാടിന്‍ സുഗന്ധമാ സ്വപ്നത്തില്‍ പേറിയാ
ചൂഴും മണല്‍ക്കാറ്റില്‍  ,പൊള്ളും മണലിലും 
ഈ പ്രവാസം പ്രയാസമെന്നാകിലും
ഇപ്പോഴെന്നെ നയിക്കുന്നതൊന്നു താന്‍ 
നാടിന്റെ നന്മമഴയില്‍ കുളിക്കുവാന്‍ 
ആ നദിയിലൊന്നൂളിയിട്ടീടുവാന്‍ !!

എത്രപേര്‍ മാഞ്ഞുപോയൊരാ പാതകള്‍ 
അത്ര കണ്ണീരുണങ്ങും മനസ്സുകള്‍
എത്ര കണ്ണീര്‍ത്തടങ്ങളോ വറ്റാതെ 
പൊള്ളുന്ന മണ്ണില്‍ പിടഞ്ഞു തിളങ്ങവേ 
കാത്തിരിക്കും പ്രിയജന നിശ്വാസമത്രേ
ഉയരുന്ന മേഘപടലവും !

ഉത്ക്കടാവേശത്തിമിര്‍പ്പിലങ്ങെത്തുമ്പോള്‍ 
നിഷ് പ്രഭമാകും  മോഹത്തിരകളും
എന്റെ നാടും കപടതയ്ക്കുള്ളൊ -
രീറ്റില്ലമായി ചമഞ്ഞുകഴിഞ്ഞെന്നോ ?
ഇല്ലയിന്നു സുഹൃദ്‌സംഗമങ്ങളാ ,
നല്ല ഭൂമികയ്ക്കുള്ളൊരു നന്മകള്‍ !

ഇന്നിവിടെ അകലങ്ങളില്ലാതെ
ഒത്തുകൂടും പ്രിയജന വ്യൂഹമാ -
നല്ല നാടിന്റെ നഷ്ട സൗഭാഗ്യങ്ങള്‍
ഉണ്മയോടെ പകര്‍ന്നു കഴിയുന്നു 

നിന്നു മെഴുകായ്‌ ഉരുകിയൊഴുകവേ
പെയ്തുതീര്‍ന്നെന്റെ മോഹക്കടലുകള്‍ 
അങ്ങു ദൂരെയിരിക്കുവോര്‍ സ്വപ്നങ്ങള്‍ 
നെയ്തുകൂട്ടി തിരികെയങ്ങെത്തവേ
ശൂന്യമായൊരാ ഭാണ്ഡവും ,ശക്തിയും ,
ഉറ്റുനോക്കുന്നനാരോഗ്യവും  ,ഭാവിയും 

ഞാനും ഒരു പ്രവാസി 
ഓര്‍മകളില്‍ ,സ്വപ്നങ്ങളില്‍ ജീവിക്കുന്നു 
ഏകനായി 


18 comments:

  1. പെയ്തുതീര്‍ന്നെന്റെ മോഹക്കടലുകള്‍...

    നല്ല കവിത

    ReplyDelete
    Replies
    1. അജിത്‌ സാര്‍ ,
      ഈ കൈയ്യോപ്പിന് വളരെ നന്ദി

      Delete
  2. നല്ല കവിത....

    ഒരു പ്രവാസി ഓര്‍മകളില്‍ ,സ്വപ്നങ്ങളില്‍ ജീവിക്കുന്നു ഏകനായി ....

    ReplyDelete
    Replies
    1. niDheEsH kRisHnaN @ ~അമൃതംഗമയ~
      ഈ വാക്കിന് വളരെ നന്ദി

      Delete
  3. നാടിന്റെ നന്മമഴയില്‍ കുളിക്കുവാന്‍ .......
    നല്ല കവിത
    ആശംസകള്‍

    ReplyDelete
    Replies
    1. Cv Thankappan സാര്‍
      ഈ പ്രോത്സാഹനത്തിന് നന്ദി സാര്‍

      Delete
  4. അങ്ങു ദൂരെയിരിക്കുവോര്‍ സ്വപ്നങ്ങള്‍
    നെയ്തുകൂട്ടി തിരികെയങ്ങെത്തവേ
    ശൂന്യമായൊരാ ഭാണ്ഡവും ,ശക്തിയും ,
    ഉറ്റുനോക്കുന്നനാരോഗ്യവും ,ഭാവിയും ..
    WELL SAID..:)

    ReplyDelete
    Replies
    1. Suma Rajeev
      ഈ കൈയ്യൊപ്പ് ചാര്‍ത്തിയതില്‍ വളരെ നന്ദി

      Delete
  5. ചുറ്റും കടങ്ങള്‍, ചുഴലി പോല്‍ നിത്യവും
    ചുറ്റിപ്പിടിച്ചു കഴുത്തില്‍ മുറുക്കവേ
    ഗത്യന്തരങ്ങള്‍ക്കുമപ്പുറം ലോകങ്ങള്‍;
    സ്വപ്നച്ചിറകില്‍ കരേറി,പ്രവാസി ഞാന്‍...

    പ്രവാസവും, പ്രവാസിയും - പ്രയാസംതന്നെ.
    കാവ്യാത്മകമായൊരു യഥാർത്ഥ ചിത്രീകരണം.

    ReplyDelete
    Replies
    1. ഡോ. പി. മാലങ്കോട്
      ഈ നല്ല വാക്കുകള്‍ക്ക് നന്ദി

      Delete
  6. ദൂരെയാകാശം ,മാടിവിളിക്കുന്നു
    സ്വപ്നമെന്നെപ്പറവയാക്കീടുന്നു

    നല്ല വരികൾ

    ശുഭാശംസകൾ...

    ReplyDelete
  7. സൗഗന്ധികം
    ഈ വാക്കുകള്‍ക്ക് വളരെ നന്ദി

    ReplyDelete
  8. അമ്മമാറില്‍നിന്നകന്നങ്ങു ദൂരെ
    പിന്‍വിളി കാത്തൊരു മനം
    പിഞ്ചുകുഞ്ഞെന്നപോലെ


    ആശംസകള്‍

    ReplyDelete
    Replies
    1. Gopan Kumar ഈ വാക്കുകള്‍ക്ക് നന്ദി

      Delete
  9. From the profile of poetess , it is understood she is a school teacher in kerala , and how easily she has transformed herself to a "paravasi" and taken the reader through the dire realities of a pravasi.. also through the "manovyadhakal" of pravasi.. A true picture presented in the lines..

    sorry to post comment in english, dont know how to type it in malayalam..

    ReplyDelete
  10. Chungath ഈ കുറിപ്പിന് വളരെ നന്ദി

    ReplyDelete