കരയുമെന്നകതാരിലൊരുമാത്രയെങ്കിലും
കനിവിന്റെ കുളിര്‍മഴ പെയ്തുവെങ്കില്‍
കരുണതന്‍ കാതലായ് വാണിടുന്നോന്‍
കിനിയുന്ന സാന്ത്വനം തന്നുവെങ്കില്‍
കണ്ണീര്‍ തുടയ്ക്കുന്ന കണ്ണനിന്നെന്‍ മുന്നില്‍
കനകപ്രഭയായ് നിന്നുവെങ്കില്‍
കതകുകള്‍ താനേയടഞ്ഞിടുമെന്റെയാ
കനവിയലാത്തൊരാ ശോകഗേഹം .
കാഞ്ചനകാഞ്ചികിലുക്കിയാക്കണ്ണനെന്‍
കാണിക്കയാമാശ്രുവേറ്റുവാങ്ങും
കാണിടും ഞാനപ്പോള്‍ ദ്വാരകതന്നിലെ
കാലികള്‍ കൂട്ടവും ,കേളികളും
കാലേയുണര്‍ന്നങ്ങു പാടും കിളികളും
കണ്ണനെക്കാണും കുചേലനെയും
കാറ്റിലൊഴുകുന്ന പാട്ടിന്റെ ശീലുകള്‍
കുഴല്‍വിളിയോ, കിളികൂജനമോ ?
കാര്‍വര്‍ണ്ണനൊത്തങ്ങു പാടിത്തിമിര്‍ത്തു ഞാന്‍
കേളികളാടിയലിഞ്ഞു ചേരും .
കാണാത്ത ഗേഹമാം നാകത്തിലന്നു ഞാന്‍
കാല്‍കുത്തിയൊന്നു നിവര്‍ന്നു നില്‍ക്കും
കാതും ,കരളും കവര്‍ന്നങ്ങുയരുന്ന
കീര്‍ത്തന ഗാനങ്ങള്‍ കേട്ടിടുമ്പോള്‍
കാലങ്ങളായ് നോമ്പു നോറ്റോരാ സ്വപ്നങ്ങള്‍
കാലേയടുത്തെത്തി നില്‍ക്കുവതായ്
കാണാകും കാനനം തന്നിലലഞ്ഞോരാ
കാതരയാം കൊച്ചു പൈങ്കിളിയ്ക്കും
കാതങ്ങള്‍ക്കപ്പുറമല്ലപ്പോള്‍ കണ്ണന്‍ ; തന്‍
കാലിലായ്‌ വീണു കിടന്നിടും ഞാന്‍ !
കണ്ണനെ എനിക്കറിയൂല്ലാ‍ാ :))
ReplyDeleteനല്ല ബ്ലോഗ് റ്റെംപ്ലേറ്റ്
ഉണ്ണി കൃഷ്ണനെ കുറിച്ചുള്ള കവിത നന്നായിടുണ്ട് ടീച്ചര്‍ ......നല്ല കഴിവുള്ള ആളാണ്‌ ഇനിയും എഴുതു
ReplyDeleteനല്ല താളം.
ReplyDeleteടീച്ചറെ, വളരെ നല്ലത്‌.
ReplyDeleteഈ ശൈലി കാത്തു സൂക്ഷിക്കണം.
ആശം സകൾ
നല്ല ബ്ലോഗ് റ്റെംപ്ലേറ്റ്
ReplyDeleteനല്ല കവിത
ഹല്ല..! ഇതെന്താ ടീച്ചറേ "ക" യുടെ സംസ്ഥാന സമ്മേളനമോ..?
ReplyDeleteഎന്തായാലും സംഗതി ഇഷ്ട്ടായി..!
ആശംസകൾ നേരുന്നു..പുലരി