പുഴ ...
എന്താണ് സംഭവിച്ചത്..?
കാലങ്ങളായി ഒരേ വേഗതയില്
ഒഴുകുകയായിരുന്നുവല്ലോ
ഓരോ തട്ടും തടവും
തീരങ്ങളും മന:പാഠമായിരുന്നു
വേഗാവേഗങ്ങള്ക്കെന്തുപറ്റി
ഒഴുക്കിന്റെ ചിറകുകള് തളര്ന്നുവോ ?
പരന്നൊഴുകാതെ ,
പതിവു വഴികളിലെ
ദ്രുത ചലനങ്ങളില് ചിറകുകള് തല്ലി ,
വഴി പിരിഞ്ഞ് ,ഇഴയകന്ന്
ഉണര്വു വറ്റി ,വിഹ്വലതകളില് ,
മുഖച്ഛായ മാറി ,ഇടുങ്ങിയൊതുങ്ങി
വേരും പേരും ഉണങ്ങിച്ചുരുങ്ങി
സ്മൃതികളില് ,മണല്ത്തിട്ടകളായ്
