ഒടുവില്‍ നീയും ഞാനും !!!!

ഒടുവില്‍ നീയും ഞാനും !!!!
------------------------------------

ഞാന്‍ നിന്നെ തിരയുകയായിരുന്നു
വഴിയറിയാതെ ഉഴറുകയായിരുന്നു

ഉപരിപ്ലവങ്ങളായ സന്തോഷങ്ങളിലും
മുറിവേല്‍പ്പിക്കുന്ന നൊമ്പരങ്ങളിലും
നിന്റെയവസ്ഥയേതെന്നറിയാതെ,
മനസേ....
ഞാന്‍ വിതുമ്പുകയായിരുന്നു

അലറുന്ന കടലിനുമീതെ,ഉപ്പുകാറ്റായ്
നിറങ്ങളഴിഞ്ഞ വാനിന്റെ,ഉള്ളറകള്‍
തുരന്നു കയറുവാന്‍ വെമ്പുന്നൊരു
മിന്നലായ്

ഗഹ്വരതകളുടെ അറ്റമില്ലാത്ത
ഇടനാഴികളില്‍,നിശ്വാസങ്ങളുടെ
പ്രതിധ്വനികള്‍ സൃഷ്ടിച്ച് അകലങ്ങളിലേക്ക്
ഊളിയിടുന്ന ഒരു കിരണമായ്

തിരഞ്ഞു തിരഞ്ഞ്, കുഴഞ്ഞ്
ഒടുവില്‍ നീ ,ഞാനും .ഞാന്‍, നീയുമാകുമ്പോള്‍,
അന്വേഷണത്തിന്റെ അവസാന വാതിലും
ഞാന്‍ മുട്ടിക്കഴിഞ്ഞിട്ടുണ്ടായിരുന്നു........